Պատմում են ճամբարականները

Իմ հանգիստը Սևանի «Ժայռ» ափին

Մարզումներ Սևանի ափին

Ես դասընկերներիս հետ գնացել էի Սևան : Մենք ամեն օր առավոտյան գնում էինք լողափ՝ մարզվելու: Մարզվելուց հետո խաղում էինք և նախաճաշում: Նախաճաշից հետո մեր հանգստի ժամն էր՝ գիրք էինք կարդում կամ հետաքրքիր խաղեր խաղում: Երեկոյան ժամերին խոհանոցում հետաքրքիր պատմություններ էինք պատմում:
Ես և Էլիզաբեթը ամենահամարձակ աղջիկներն էինք, մենք գիշերը չէինք վախենում սենյակում մենակ քնել: Գիշերը քնելուց առաջ ծիծաղելի պատմություններ էինք պատմում:
Ես շատ հրաշալի ժամանակ անցկացրեցի ընկերներիս հետ…

Վիրաբյան Մարիա- Թերեզա

sevan

Օգոստոսին 7-ին մենք բարձր տրամադրությամբ  ընկեր Գոհարի հետ գնացինք Սևան: Սկզբում շատ լարված էի, որովհետև  գիշերակացով ճամբար առաջին անգամն էի գնում: Ընկեր Գոհարը շատ հոգատար էր մեր նկատմամբ: Այդ չորս օրերը տարբեր էին և շատ հետաքրքիր: Միասին արթնանում էինք, խաղում էինք, լողում էինք, գիրք էինք կարդում: Չնայած, որ արդեն կարոտել էինք մեր տունը՝ չէինք ուզում վերադառնալ Երևան:

Առնակ Վերմիշյան

Ամառային ճամբար՝ Սևան

Օգոստոսի 7-ին մենք գնացինք Սևան՝ ընկեր Գոհարի և իմ դասարանցիների հետ: Ամեն առավոտ մենք մարզանք էինք անում: Նախարճաշից հետո երկար զբոսնում էինք անտառում: Օրը 2 անգամ լողում էինք Սևանա լճում: Ջուրը տաք էր և հաճելի: Լճափին ես և Էլիզան ավազե ամրոցներ էինք սարքում, որոնք, ափսոս, շուտ էին քանդվում: ճաշից հետո հետաքրքիր խաղեր էինք խաղում, գիրք կարդում և զվարճալի պատմություններ պատմում: Սևանում ես և իմ ընկերները 4 անմոռանալի օրեր անցկացրեցինք:

Էլիզաբեթ Պողոսյան

Advertisements

Սևանի «Ժայռ» ճամբարում

Սևանը օրվա տարբեր պահերի:

 

Օր 4-րդ

 

This slideshow requires JavaScript.

Ընթերցանությունը

Օր 3-րդ

Օր 2-րդ

Օր 1-ին

Նախագիծն այստեղ՝ Ոսումնահետազոտական-հայրենագիտական ճամբար Սևանի ժայռ լողափում

Ոսումնահետազոտական-հայրենագիտական ճամբար Սևանի ժայռ լողափում

untitled-e1533115978130

Ճամբարի վայրը `  Սևանի «Ժայռ»:
Ժամանակահատվածը`  օգօստոսի 7-ից 10-ը:
Պատասխանատուներ`  Գոհար Սմբատյան, Լարիսա Գևորգյան:
Խոհարար, բուժքույր, օգնական` Անուշ Աղաբաբյան
Մասնակիցներ `  Հարավային դպրոցի սովորողներ
Նպատակը ` լող, խաղեր, ուսումնահետազոտական ​​աշխատանքներ, ընթերցանություն:
Արդյունքը ` սովորողների և դասավանդողների հաշվետու նյութեր` հրապարակված
բլոգներում, կայքում:

Նախահաշիվ
Սնունդը, տրանսպորտ`  ծնողների միջոցներով (7000 դրամ)

Մասնակցին  անհրաժեշտ պարագաներ ` 

Ուսապարկ, քնապարկ կամ ծածկոց (одеяло)
Անձնական հիգիենայի պարագաներ
Մարզական տաք հագուստ և կոշիկներ
Լողազգեստ, լողաթափ, արևապաշտպան գլխարկ, արևապաշտպան քսուկ, տաք գուլպաներ, սրբիչներ
Խաղեր, գնդակ, պարան, լոտո, խաղաքարտեր, շախմատ, թենիս և այլն
Գիրք ընթերցանության համար
Անհատական ​​թվային միջոցներ
Խոհանոցային սպասք` ափսե, բաժակ, պատառաքաղ, գդալ (ցանկալի է մեկանգամյա օգտագործման, կամ պլաստիկե)
աղբի տոպրակ, ձեռնոց

 Օր 1

10.00  Մայր դպրոցի բակից
12.00     Ժամանում  «Ժայռ» բրդուճուտոցի
12.30 – 14.30   տեղավորում, տեղանքի ծանոթացում
14.30 -15.00   ճաշ
15.00 – 16.00   ֆոտոպլեներ, ընթերցանություն
16.00 – 17.00   լող, հանգիստ լողափին
17.00 – 19.00   բակային խաղեր
19.00 – 19.45   ընթրիք
20.00 – 22.00  Բնապահպանական քննարկումներ, զրույցներ. Սևանա լիճ
22.00 – 22.30   հիգիենայի ժամ
22.30     քուն

Օր 2

8.30 – 9.00 վերկաց, վազք, մարմնամարզություն
9.00 – 9.30    հիգիենայի ժամ
9.30 – 10.00   նախաճաշ
10.00 -11.00 տարածքի մաքրում
11.00 – 12.00   լող, հանգիստ լողափին
12.30 – 14.00 մարզական խաղեր
14.00 – 15.00   ճաշ
15.00 – 16.00  ընթերցանություն
16.00 – 19.00   լող, հանգիստ լողափին, մրգային ընդմիջում
19:00 – 20:00   ընթրիք
20.00 – 22.00  երեկոյան զրույցներ, ինտելեկտուալ խաղեր, պահմտոցի
22.00 – 22.30   հիգիենայի ժամ
22.30   քուն
Օր 3

8.30 – 9.00    վերկաց, վազք, մարմնամարզություն
9.00 – 9.30    հիգիենայի ժամ
9.30 – 10.00   նախաճաշ
10.00 – 12.30  լող, լողափնյա խաղեր
12.30 – 14.00  բակային խաղեր. քարկտիկ, աչք կապոցի
14.00 – 15.00   ճաշ
15.00 – 16.00  ընթերցանություն
16.00 – 19.00   լող, հանգիստ լողափին, մրգային ընդմիջում
19:00 – 20:00   ընթրիք
20.00 – 22.00  երեկոյան զրույցներ, ինտելեկտուալ խաղեր, երգ, պար
22.00 – 22.30   հիգիենայի ժամ
22.30    քուն

Օր 4

8.30 – 9.00    վերկաց, վազք, մարմնամարզություն
9.00 – 9.30    նախաճաշ
9.30 – 10.00    տարածքի մաքրում
10.00 – 12.30  լող, հիգիենայի ժամ
12.30     վերադարձ

Մասնակիցներ՝

  1. Սարգիս Մարգարյան 10-րդ դաս
  2. Կարեն Մարգարյան 6-րդ. դաս
  3. Մարատ Մկրտչյան 10-րդ դաս
  4. Էլիզաբեթ Պողոսյան 3-րդ դաս
  5. Ավագյան Նատալի 3-րդ դաս
  6. Իլոյան Ստեփան 3-րդ դաս
  7. Վիրաբյան Մարիա-Թերեզա 3-րդ դաս
  8. Ավագյան Մարի  3-րդ դաս
  9. Վերմիշյան Առնակ — 3-րդ դաս
  10. Վերմիշյան Անահիտ — 6-րդ. դաս
  11. Բենսաիդ Ադամ -3-րդ դաս
  12. Զարգարյան Վիկտորյա 3-րդ դաս
  13. Մկրտիչյան Մարինա -5-րդ դաս
  14. Վարդանյան Նատալի — 1-ին դաս
  15. Վարդանյան Ռաֆայել — 3-րդ դաս
  16. Խաչատրյան Էլիզա- 2-րդ դաս
  17. Գևորգյան Կարինե
  18. Գևորգյան էսֆիրա

Հերթապահություն

Այսօր հուլիսի 14-ն է, օրը՝ շաբաթ: Կարենն ինձ հետ է եկավ, որ մենակ չլինեմ: Դպրոց հասնելուն պես հասկացանք, որ մենակ չենք լինելու: Առավոտյան վարպետ Պետիկն արդեն աշխատում էր՝ ամրացնում էր Հարավային դպրոցի ցուցանակները, նրան օգնում էր վարպետ Համլետը, իսկ այգեպան Վարդանը ջրում էր այգին:

Ես ու Կարենն օրը սկսեցինք դպրոցի ծաղիկները ջրելով:

Քիչ անց տիկին Լարիսան և Կարինե Բաբուջյանն էլ եկան: Դպրոցում կարծես ակտիվություն սկսվեց: Տիկին Լարիսան աշխատում էր համակարգչով, իսկ Բաբուջյան Կարինեն՝ ներկում:

Մինչ ես մաքրում էի դասասենյակը՝ Կարենը հեծանիվ էր վարում:

Օրվա ընթացքում զանգեր չեն եղել: