Արմանը գյուղում

Image (7)

Advertisements

Պատրաստվում ենք հարսանիքի. «Այլիհո˜»

-Էկանք, էկանք, այլիհո՜,
-Ինչու՞ եկաք, այլիհո՜,
-Աղջկատեսի, այլիհո՜,
-Աղջիկ չունենք, այլիհո՜,
-Տեսել ենք, տեսել, այլիհո՜,
-Որտե՞ղ եք տեսել, այլիհո՜,
-Ձեր այգու մեջ, այլիհո՜,
-Ի՞նչ էր անում, այլիհո՜,
-Թել էր մանում, այլիհո՜,
-Ի՞նչ կար գլխին, այլիհո՜,
-Կապույտ լաչակ, այլիհո՜,
-Ի՞նչ կար մեջքին, այլիհո՜,
-Արծաթ գոտի, այլիհո՜,
-Ի՞նչ կար ոտին, այլիհո՜,
-Կարմիր մաշիկ, այլիհո՜,
-Բա ո՞նց եկաք, այլիհո՜,
-Պռատ գառով, այլիհո՜,
-Պոչատ հավով, այլիհո՜,
-Տատիս տատի ծակված թավով, այլիհո՜:

 

Փչվող փուչիկը

Սովորողները մուտքագրեցին «Փչվող փուչիկը» բնագիտական փորձի նկարագրությունը և պահանջվող անհրաժեշտ նյութերը: Զվարճալի, հետաքրքիր փորձը ստացվեց:

 

Ավագ դպրոցի սովորողները Հարավում

Ավագ դպրոցի սովորողները տիկին Ելենայի հետ եկել էին Հարավային դպրոց: Առաջին և երկրորդ դասարանի սովորողների հետ նրանք պարեցին, երգեցին և ներկայացրին իրենց նախագծերը: Ցույց տվեցին «Մանչուկ»» TV-ի մուլտֆիլմերից, որոնք թարգմանել և ձայնագրել էին Ավագ դպրոցի սովորողները: Դիտեցին նաև «Անբան Հուռի» հեքիաթի մուլտ հեքիաթապատումը, որը նույնպես պատրաստել էին սովորողները:
Հյուրերին ճանապարհելուց հետո երկրորդ դասարանի սովորողները գուաշներով նկարեցին «Անբան Հուռի» հեքիաթից մի հատված՝ հարսանեկան տեսարանը: