Ընթերցանության անկյուն

Հարակից թաղամասում շրջեցինք և կարդացինք ցուցանակները` ստեղծելով շրջիկ ընթերցարան:
Խմբում ունենք ընթերցանության անկյուն, սովորողներն ամեն օր իրենց բերած հեքիաթի գրքերում գտնում են ծանոթ բառեր և կարդում:
Կարողանում ենք մուտքագրել  և կարդալ:

Advertisements

Ընթերցանություն

«Շրջիկ ընթերցարան» նախագծի շրջանակում 5-6 տարեկանները Կարինե Բաբուջյանի  1-ին դասարանի սովորողների հետ կարդացին մի քանի բառ, այնուհետև այցելեցինք Տաթև Մելքոնյանի 3-րդ դասարան: Սովորողները համակարգչի word ծրագրում մուքագրեցին բառեր և օգնեցին 5-6 տարեկաններին ընթերցել: Հանդիպումներն արդյունավետ էին, սովորողները հավեսով համագործակցեցին` ակնկալելով կրկին հանդիպել:

Մի քանի բառ բարբառով

«Մայրենի լեզվի օրեր» նախագծի շրջանակներում 5-6 տարեկանները ներկայացնում են, թե ընտանիքներում տատիկ-պապիկները, հարազատները ինչ բարբառով են խոսում, որ բառին որ բարբառով ինչ են ասում:

Արմանը ներկայացնում է Աշտարակի բարբառով:

Վարդանը ներկայացնում է Ղարաբաղի բարբառով:

Էլիզաբեթը ներկայացնում է Լոռու բարբառով:

Ռոբերտը ներկայացնում է Գյումրու բարբառով:

Մայրենի լեզվի օրեր

15970342_1083405265122345_1699942093_n
«Մայրենի լեզվի օրեր» նախագիծի հեղինակ` Գոհար Սմբատյան
Մասնակիցներ՝ 5-6 տարեկաններ, ընտանիք
Օրացույցով սահմանված ժամանակահատված` 
փետրվարի 20 — մարտի 10:

Նպատակը.

  • Ընթերցարանների ստեղծում
  • Ռադիոնյութերի, ռադիոթատրոնների ստեղծում
  • Շրջիկ ընթերցարանների ստեղծում
  • Շրջակա միջավայրը (խանութներ, ցուցատախտակներ) որպես ընթերցարան
  •  Բարբառների ուսումնասիրություն
  • Ընթերցանության անկյունի ստեղծում

Խնդիրներ.

  • բանավոր  խոսքի զարգացում
  • ազատ‚ անկաշկանդ մտածելու‚ երևակայելու և հաղորդակցվելու կարողությունների ձևավորում
  • մեդիահմտությունների զարգացում

Թեմաները՝

Սովորողների հետ  ստեղծելու ենք թումանյանական, աղայանական, ռոդարիական, խնկոյանական ստեղծագործությունների, ինչպես նաև շուտասելուկների, սուտասելուկների, առած-ասացվածքների, հանելուկների ռադիո և տեսանյութեր:
Կստեղծենք ընթերցարանային նկար-էջ՝ բառով, բառակապակցությունով: Անհատական կամ դասարանային ընթերցարանը հրապարակելուց հետո, ընթերցարանը կընթերցեն այլ դպրոցի, դասարանի սովորողները ու կարող են  պատասխան էջ(եր), ընթերցարաններ ստեղծել:
Սովորողները կլուսանկարեն այն ցուցատախտակները, խանութների անվանումները, այլ, որոնք նա տնից-դպրոց, դպրոցից-տուն ճանապարհին կընթերցի: Խմբում կստեղծենք ցուցանակներ և  միասին կկարդանք:
Սկսում ենք ուսումնասիրել, հավաքել, թե մեր ընտանիքներում տատիկ-պապիկները, հարազատները ինչ բարբառով են խոսում, որ բառին որ բարբառով ինչ են ասում: Մեկ բառը տարբեր բարբառներով ինչպես կլինի: Հավաքում ենք ընտանեկան հարցազրույցներ, բարբառներով ընթերցարաններ:
Խմբում կստեղծենք փոքրիկ անկյուն` ընթերցասրահ:

Ընթացքը՝

Մայրենի
Դիտելու  և քննարկելու ենք ստեղծված տեսանյութերը, ընթերցելու ենք մեդիաընթերցարանները: Ամեն օր կկարդանք բառեր մեր ընթերցասրահ անկյունում:
Մեդիահմտություն

Համակարգչի նկարչական ծրագրով սովորողները կնկարեն ստեղծագործության հատվածները, կմուտքագրեն, կձայնագրեն  և կունենանք  էլեկրոնային ընթերցարան:
Մաթեմատիկա
Թումանյանական, աղայանական, ռոդարիական, խնկոյանական ստեղծագործությունների քննարկման ընթացքում կհորինենք խնդիրներ, կհաշվենք, կհամեմատենք կերպարներին:
Ընտանեկան նախագիծ
Հարազատները` տատ կամ պապ, ծնողներ- փոքրիկ հարցազրույց, ձայնագրություն կունենանք տարբեր բարբառներով:
Ստեղծված ռադոնյութերն ու տեսանյութերը կտեղադրեմ բլոգում և ենթակայքում: