Անիվների վրա

Advertisements

Լող հերթական պարապմունք

Քայլքով, վազքով, արտասանելով Հարավից հասանք Արևմտյան դպրոց: Ճանապարհին հանդիպեցինք ընտրությամբ գործունեության խմբերի սովորողներին: Լողի հերթական պարապմունքը տոնական էր, քանի որ այսօր ընկեր Անուշի և 3 -րդ դասարանի սովորող՝ Գագիկի ծննդյան օրն է: Սովորողները ջրի մեջ շրջան կազմեցին և շնորհավորեցին:

Մարզատոն

Մասնակիցներ` Հարավային դպրոցի 3.2 դասարանի սովորողներ
Ժամկետ- Ապրիլի 26
Վայրը` Հարավային դպրոցի ավազե խաղահրապարակ
Սովորողները պետք է կարողանան կատարել նախատեսված վարժությունները, որը նրանք յուրացրել են ուսումնական տարվա ընթացքում:

Նկարագրություն`
Շարային վարժություններ
Դարձումներ տեղում, աջ և ձախ
Հաշվարկ՝ զույգով, եռյակներով, քառյակներով
Քայլ, քայլ կրունկների վրա, քայլ թաթերի վրա, դանդաղ վազք, կից քայլերով վազք:
Նախավարժանք
Մարզական խաղեր`

Խաղ 1Գնդակը տանել–բերել
Մասնակիցը գնդակը ձեռքին վազքով անցնում է բուլավաների արանքներով, գնդակը դնում է օղակի մեջ և վերադառնում: Մյուս մասնակիցը վազքով բուլավաների արանքով գնում է գնդակը  բերում է: Ձեռքով հարվածում է ընկերոջ ձեռքին , կանգնում վերջում: Այդպես մինչև վերջին մասնակիցը կխաղա:

Խաղ 2. Ցատկ պարանի կողքով

Առաջին մասնակիցը ցատկելով պարանի կողքով և անցնում է օղակի միջով: Ձեռքով հարվածում է ընկերոջ ձեռքին , կանգնում վերջում: Այդպես մինչև վերջին մասնակիցը կխաղա:

Խաղ 3. Արագավազ գնդակը

Խաղացողները բաժանվում են 2 հավասար թիմերի, շարվում են մեկնարկային գծից միասյուն: Վերջում կանգնած խաղացողների ձեռքին լինում է 1-ական գնդակ: Հրահանգից հետո խաղացողները գլխի վերևից իրար են փոխանցում գնդակը՝ մինչև այն  կհասնի առջևում կանգնած խաղացողին: Հաղթում է ճիշտ և արագ խաղացող թիմը:

Խաղ 4Չընկնող  գնդակ

Խաղացողները բաժանվում են 2 հավասար թիմերի, շարվում են մեկնարկային գծից միասյուն:  Հրահանգից հետո թիմերի առաջին մասնակիցները գնդակը դնում են սեղանի թենիսի ռակետի  վրա ու հասցնում վերջնագիծ՝ փորձելով չգցել գնդակը: Հաղթում է արագ ավարտող թիմը:

Մարզագույք`
Գնդականեր, օղակներ, պարաններ, բուլավաներ, թենիսի գնդակ, ռակետ:

Հագնում ենք մարզական հագուստ և բարձր տրամադրությամբ մասնակցում մարզատոնին:
Ակնկալվող արդյունքները՝
Մարզատոնի ավարտից հետո սովորողները կպատմեն տպավորությունների մասին և կտեղադրեն բլոգում:

 

 

Լող և ուսումնական ագարակ

Լողի պարապմունքից հետո այցելեցինք Ագարակ: Ագարակում սովորղները բաժանվեցին խմբերի: Մի խումբը ձիերին  էր սիրում, կերակրում, իսկ մյուս խումբը՝ կոճղերով աթոռներ  պատրաստում: Եղանք շների, թռչունների մոտ և հենց ագարակում էլ նախաճաշելուց հետո վերադարձանք Հարավային դպրոց: