Մայրենի լեզվի օրեր

15970342_1083405265122345_1699942093_n
«Մայրենի լեզվի օրեր» նախագիծի հեղինակ` Գոհար Սմբատյան
Մասնակիցներ՝ 5-6 տարեկաններ, ընտանիք
Օրացույցով սահմանված ժամանակահատված` 
փետրվարի 20 — մարտի 10:

Նպատակը.

  • Ընթերցարանների ստեղծում
  • Ռադիոնյութերի, ռադիոթատրոնների ստեղծում
  • Շրջիկ ընթերցարանների ստեղծում
  • Շրջակա միջավայրը (խանութներ, ցուցատախտակներ) որպես ընթերցարան
  •  Բարբառների ուսումնասիրություն
  • Ընթերցանության անկյունի ստեղծում

Խնդիրներ.

  • բանավոր  խոսքի զարգացում
  • ազատ‚ անկաշկանդ մտածելու‚ երևակայելու և հաղորդակցվելու կարողությունների ձևավորում
  • մեդիահմտությունների զարգացում

Թեմաները՝

Սովորողների հետ  ստեղծելու ենք թումանյանական, աղայանական, ռոդարիական, խնկոյանական ստեղծագործությունների, ինչպես նաև շուտասելուկների, սուտասելուկների, առած-ասացվածքների, հանելուկների ռադիո և տեսանյութեր:
Կստեղծենք ընթերցարանային նկար-էջ՝ բառով, բառակապակցությունով: Անհատական կամ դասարանային ընթերցարանը հրապարակելուց հետո, ընթերցարանը կընթերցեն այլ դպրոցի, դասարանի սովորողները ու կարող են  պատասխան էջ(եր), ընթերցարաններ ստեղծել:
Սովորողները կլուսանկարեն այն ցուցատախտակները, խանութների անվանումները, այլ, որոնք նա տնից-դպրոց, դպրոցից-տուն ճանապարհին կընթերցի: Խմբում կստեղծենք ցուցանակներ և  միասին կկարդանք:
Սկսում ենք ուսումնասիրել, հավաքել, թե մեր ընտանիքներում տատիկ-պապիկները, հարազատները ինչ բարբառով են խոսում, որ բառին որ բարբառով ինչ են ասում: Մեկ բառը տարբեր բարբառներով ինչպես կլինի: Հավաքում ենք ընտանեկան հարցազրույցներ, բարբառներով ընթերցարաններ:
Խմբում կստեղծենք փոքրիկ անկյուն` ընթերցասրահ:

Ընթացքը՝

Մայրենի
Դիտելու  և քննարկելու ենք ստեղծված տեսանյութերը, ընթերցելու ենք մեդիաընթերցարանները: Ամեն օր կկարդանք բառեր մեր ընթերցասրահ անկյունում:
Մեդիահմտություն

Համակարգչի նկարչական ծրագրով սովորողները կնկարեն ստեղծագործության հատվածները, կմուտքագրեն, կձայնագրեն  և կունենանք  էլեկրոնային ընթերցարան:
Մաթեմատիկա
Թումանյանական, աղայանական, ռոդարիական, խնկոյանական ստեղծագործությունների քննարկման ընթացքում կհորինենք խնդիրներ, կհաշվենք, կհամեմատենք կերպարներին:
Ընտանեկան նախագիծ
Հարազատները` տատ կամ պապ, ծնողներ- փոքրիկ հարցազրույց, ձայնագրություն կունենանք տարբեր բարբառներով:
Ստեղծված ռադոնյութերն ու տեսանյութերը կտեղադրեմ բլոգում և ենթակայքում:

 

«Սուրբ Ծննդյան ավետիսներ, ամանորյա խաղեր» նախագիծը Հարավային դպրոց – պարտեզում

Նախագծի հեղինակ` Մարինե Մկրտչյան
Քրիստոս ծնավ և հայտնեցավ, օրհնյալ է հայտնությունը Քրիստոսի, մեզ և ձեզ մե՜ծ Ավետիս:

Ուսումնական պլան

hramani_85

«Մխիթար Սեբաստացի» կրթահամալիր
Ստեղծողի մոբիլ դպրոց 2016-2017 ուսումնական տարի
«Իմացումի հրճվանք». 5-6 տարեկանների ուսուցում
Ուսումնական պլան

Ուսումնական պլանի բաղադրիչներն են.

• մայրենի խոսքի զարգացում
• երգ-պար
• թվաբանություն
• բնագիտություն
• կերպարվեստ և տեխնոլոգիա
• մարմնակրթություն
• ռուսերեն, անգլերեն
• մեդիատեխնոլոգիաներ

1. Ուսումնական պլանը «Ստեղծողի մոբիլ դպրոց» հեղինակային (պետական այլընտրանքային) կրթական ծրագրի (այսուհետ՝ Ծրագիր), սովորողի ուսումնառության պայմանագրի հավելվածն է։
2. Կրթական ծրագիր ընդունվում է այն երեխան (այսուհետ՝ սովորող), ում 5 տարին լրանում է մինչև 2016թ. դեկտեմբերի 31-ը, որի ծնողն (օրինական ներկայացուցիչը) ընտրում է ծրագիրը և սահմանված կարգով կնքում պայմանագիր ուսումնառության մասին։
3. Դասարանում սովորողների թիվը 20-25 է։
4. Ուսումնական պլանի պարզաբանումներում նշված կարգերը ուսումնական պլանի հավելվածն են։ Դրանք դպրոցի և ուսկենտրոնի ղեկավարների միասնական ներկայացմամբ հաստատում է կրթահամալիրի տնօրենը։
5. Ուսուցումը կազմակերպվում է ուսուցողական թվային միջոցներ կիրառելով։ Դասավանդողը, սովորողը դպրոցում գործածում են սահմանված տեխնիկական պայմաններին բավարարող անհատական նեթբուք-նոթբուք կամ պլանշետ, տանն ունեն համացանց։ Ծրագիրը դպրոցում ապահովում է անլար ինտերնետից, համակարգչից, էլ.գրատախտակից, ձայնագրիչից, ֆոտոխցիկից ուսումնական նպատակներով անարգել օգտվելու հնարավորություն։
6. Մեդիագրադարանը, «Բզեզ», «Պարտեզ» կայքերը, դպրոցի գրադարանը, դասվարի բլոգը սովորողին տանը, դպրոցում ապահովում են անհրաժեշտ ուսումնական էլեկտրոնային և տպագիր նյութերով, միջոցներով։
7. Ուսումնական տարին կազմակերպվում է կրթահամալիրի, դասարանի տարեկան ուսումնական օրացույցով։ Դրանցով են որոշվում ուսումնական գործունեությունները, ստուգատեսները, ծեսերը և տոները։
8. Սովորողի ֆիզիկական-ֆիզիոլոգիական, առողջական, սոցիալական վիճակի տվյալները, դրանց փոփոխությունները, սովորողի մասին անհրաժեշտ այլ տեղեկություններ սահմանված կարգով էլեկտրոնային գրանցում են ստանում։
9. Ուսումնական շաբաթը 5-օրյա է։
10. Գործունեության բոլոր ձևերը միավորվում են «Իմացումի հրճվանք» ծրագրում, որը ղեկավարում է դասվարը։
11. Ուսումնական օրը ներառում է Ծրագրի 15 րոպե տևողությամբ ընդհանուր պարապմունք՝ սահմանված կարգով և ծրագրով։
12. «Իմացումի հրճվանք» ծրագիրը ներառում է շրջապատի կամ նյութական միջավայրի խնամքին ուղղված նախագծեր, ամենօրյա ինքնասպասարկում։
13. Ուսումնական գործունեության կազմակերպման մեջ սահմանված կարգով կիրառվում է հեռավար-ընտանեկան ուսուցման ձևը։
14. Մայրենի խոսքի զարգացումն իրականացվում է անընդհատ՝ խթանելով սովորողի ինքնարտահայտվելու ցանկությունը։ Թատերական, երաժշտական խաղերը, ներկայացումները, բանաստեղծությունների բերանացի անելը, հեքիաթների ունկնդրումն ու քննարկումները խոսքի զարգացման կազմակերպման ձևեր են։ Գրավոր խոսքի ուսուցումն ու զարգացումը կազմակերպվում է երկրորդ կիսամյակում՝ բանավոր գործունեությանը զուգահեռ՝ անընդհատ բավարարելով սովորողի գրել-կարդալու պահանջն ու անհրաժեշտությունը։
15. Անգլերենի և ռուսերենի ուսուցումն իրականացնում են առաջին կիսամյակում՝ դասվարը՝ մուլտֆիլմերի, ուսուցողական ֆիլմերի, երգերի ունկնդրմամբ, էլեկտրոնային խաղերով, երկրորդ կիսամյակից, անգլերենի, ռուսերենի դասավանդողներ։
16. Բնագիտական գործունեությունը կազմված է «Իմ խնամած բույսերը», «Իմ խնամած կենդանիները» ուսումնական նախագծերից։ Բնագիտության ուսուցում իրականացվում է նաև բնության, բնական երևույթների ամենօրյա դիտարկումների, ուսճամփորդությունների միջոցով։ 17. Թվաբանությունն ամենօրյա գործունեություն է՝ բանավոր հաշվարկի, չափումների, համեմատությունների, համադրումների և հակադրումների ձևով։
18. Երաժշտական գործունեությունը ներառում է երգ, պար, երաժշտության ունկնդրում, ռիթմիկա-շարժում, երաժշտական գործիքների հետ ծանոթացում, երաժշտական խաղեր։
19. Մարմնակրթությունն իրականացվում է ամենօրյա մարզական գործունեությամբ՝ մարմնամարզություն, եռամարտ՝ լող, հեծանվավարություն, վազք, մարզական և բակային խաղեր։ Լողալ կարողանալը պարտադիր ուսումնական կարողություն է, որ կազմակերպվում է սահմանված կարգով։
20. Կերպարվեստ և տեխնոլոգիա գործունեությունը ներառում է նկարչությունը, ծեփը, խոհանոցային, բակային աշխատանքի, շրջակա միջավայրի խնամքի և ինքնասպասարկման աշխատանքի, ծեսերի, ներկայացումների, խաղերի, ստուգատեսների ընթացքում ձեռք բերած հմտությունները։
21. ՏՀՏ-ն հմտությունները ձեռք են բերվում ուսումնական գործունեության ընթացքում։
22. Լրացուցիչ կրթությունը դաշնամուրի, պարի, թատրոնի, կերպարվեստի, խեցեգործության, շախմատի, լողի, մարմնամարզության, թեթև ատլետիկայի ուսումնական գործունեությունն է, որոնց կազմակերպման համար սովորողի ծնողի հետ կնքվում է լրացուցիչ կրթության պայմանագիր՝ որպես ուսումնառության պայմանագրի հավելված։
23. Ամբողջ գործունեությունը սահմանված կարգով կազմակերպվում է հիգիենիկ, այդ թվում՝ բացօթյա, միջավայրում։
24. Սահմանված կարգով իրականացվող ուսումնական ճամփորդությունները ուսումնական գործունեության բաղկացուցիչն են։
25. Կրթական ծրագիրն ապահովում է սովորողի ամբողջական ներառում։
26. Սովորողի ուսուցում-զարգացումը կազմակերպվում է նաև տանը՝ ընտանեկան նախագծերի միջոցով, ծնողների մասնակցությամբ։
27. Սովորողների ամենօրյա գործունեությունը դասվարը պարբերաբար ներկայացնում է իր ուսումնական բլոգում, անհատական արժեքային համակարգի, հմտությունների, կարողությունների որակական բնութագիրը, ցուցանիշները, ծնողի մասնակցությամբ, գրանցում է սովորողի աճի և զարգացման դիտարկման թերթիկում։
28. Սովորողի ուսումնական գործունեության այլ արդյունքները սահմանված կարգով ներկայացվում են ստուգատեսներում, ներկայացումներում, ցուցահանդեսներում։
29. Հունիս–օգոստոս ամիսներին սովորողը կարող է մասնակցել «Ամառային պարտեզ» ծրագրին։

Ձմեռային ճամբարի նախագիծ

img_3964

Նախագծի ժամկետները՝ 9.01.2017-16.01.2017

Նախագծի հեղինակ` Գոհար Սմբատյան

Մասնակիցներ-Հարավային դպրոցի 5 տարեկաններ:

Նպատակ- Ներկայացման բեմադրում:
Մասնակցություն` «Մարմնամարզական», «Բնագիտատեխնիկական», «Դիջիթեք» ստուգատեսներին

Աշխատանքի ընթացքը.
3-րդ դասարանի սովորողները մի քանի Թումանյանական և Ռոդարիական հեքիաթներ կկարդան 5 տարեկանների համար և  կքննարկեն:
5 տարեկանները կընտրեն իրենց դուր եկած հեքիաթներից մեկը և ներկայացում կպատրաստեն 3-րդ դասարանի սովորողների համար: Բերանացի կսովորեն հեքիաթը և կպատրաստեն համապատասխան կերպարներ:
Ճամբարի ընթացքում բացի վերը նշված աշխատանքից կպատրստվենք նաև.
Մարմնամազության սուգատեսին.
Ամենօրյա մարմնամարզության պարապմունքների կազմակերպում
Որոնց արդյունքում կրկնում ենք՝
ա.Կատարել շարային վարժություններ, «Հավսար», «Զգաստ», «Ազատ»
բ. Քայլով մարշ տեղում և դանդաղ վազք
գ. Օղակի պտտում
դ. Ցատկեր  2 ոտքով. 1 ոտքով
ե. Մարմնամարզական ներքնակի վրա գլուխկոնծին
զ. Մարմնամարզական պատի վրա բարձրանալ
Բնագիտատեխնիկական ստուգատեսի նախապատրաստում
Բնագիտական փորձեր, խճանկարի, լեգոների հավաքում
Սովորողները կատարում են անհատական փորձեր
Դիջիտեքի նյութերի դիտում, քննարկում:

Արդյունքները կհրապարակեմ բլոգում, Հիմնական դպրոցի ենթակայքում

Ամանորյա և Սուրբ ծննդյան երգեր

Ավետիս

Քրիստոս ծնավ և հայտնեցավ:
Այսօր տոն է սուրբ ծննդեան, ավետիս,
Տեառն մերոյ և հայտնութեան, ավետիս,
Այսօր արևն արդարութեան, ավետիս,
Այսօր արևն արդարութեան, ավետիս:
Շարոց բերեք, պաստեղ բերեք, ավետիս,
Մեր հարսներուն փայն ալ  բերեք, ավետիս,
Թոնիր վառենք, գաթա թխենք, ավետիս,
Այդ գաթայից բաժինք հանենք, ավետիս:
Այնժամ որ Քրիստոս ծնվեց, ավետիս,
Վըրան լուսելույս ծագեց, ավետիս,
Ուղտը եկավ հազար բեռով, ավետիս,
Մանչը ծնվեց քաղցր ճիչով, ավետիս:
Քրիստոս ծնավ և հայտնեցավ:

Տոնածառ ջան, տոնածառ

Տոնածառ ջան, տոնածառ
Ի՜նչ սիրուն ես ու պայծառ,
Էս ի՜նչ լավն է, էս ի՜նչ լավն է,
Չորս կողմը լույս ու փայլ է:

Կարմիր աստղ գագաթին,
Ծառի տակ՝ Ձմեռ պապին,
Էս ի՜նչ լավն է, էս ի՜նչ լավն է,
Չորս կողմը լույս ու փայլ է:

Համով, հոտով տոնածառ

կրկնակ. Այ քեզ, այ քեզ տոնածառ,
Համով, հոտով տոնածառ,
Զարդարել ենք տոնածառ,
Քաղցրահամ ու շատ պայծառ:

Քաղցր չամիչ, համեղ նուշ,
Տանձ ու խնձոր քացրանուշ,
Չրեր, մրգեր, դեղձ ու նուռ
Ու մի կոկոս անչափ լուռ:

կրկնակ. Այ քեզ, այ քեզ տոնածառ,
Համով, հոտով տոնածառ,
Զարդարել ենք տոնածառ,
Քաղցրահամ ու շատ պայծառ:

Գաթա ու տորթ ենք բերել,
Փայլուն խաղող ենք շարել,
Երգեր հազար, հազար միրգ
Քեզ ականջօղ ենք արել:

կրկնակ. Այ քեզ, այ քեզ տոնածառ,
Համով, հոտով տոնածառ,
Զարդարել ենք տոնածառ,
Քաղցրահամ ու շատ պայծառ:
Մրգով, գաթով շա՜տ համեղ,
Տոնածա՞ռ է, թե՞ սկուտեղ:

Բասեն բարի

Բասեն բարի, Բասեն բարի,
Հա՛յ Նուբարի, ջա՛ն Նուբարի,
Տղա՛, արի, բռնե, պարի,
Հա՛յ Նուբարի, ջա՛ն Նուբարի, Նուբարի:

Բասեն բարի, Բասեն բարի,
Հա՛յ Նուբարի, ջա՛ն Նուբարի,
Աղջի, արի, բռնե, պարի,
Հա՛յ Նուբարի, ջա՛ն Նուբարի, Նուբարի:

Երկու գնա, երեք արի,
Հա՛յ դոմբարի, ջա՛ն դոմբարի,
Տղա, արի, բռնե, պարի,
Հա՛յ դոմբարի, ջա՛ն դոմբարի, դոմբարի:

Արի՝ խաղանք էս դոմբարին,
Բասեն բարի, Բասեն բարի,
Ինչքան ուրախ է էս տարին,
Հա՛յ դոմբարի, ջա՛ն դոմբարի, դոմբարի:

Զար, զընգը

Զար, զընգը, զար, զընգը, թող զընգա,
Պարենք գիշեր լուսընկա:
Էս գիշեր` լուսնակ գիշեր,
Զար, զընգը, զար, զընգը, թող զընգա,
Ձուն էկեր` գետին նախշեր,
Զար, զընգը, զար, զընգը, թող զընգա,
Էլի պարը բոլորավ,
Զար, զընգը, զար, զընգը, թող զընգա,
Քուրըս միջին մոլորավ,
Պարենք գիշեր լուսընկա:
Զար, զընգը, զար, զընգը, թող զընգա,
Պարենք գիշեր լուսընկա:

Փաթ, փաթ, փաթիլներ

Ամպը բացեց դուռը մեծ,
Փաթիլները թափվեցին,
Երգով, պարով, ծիծաղով
Ճյուղերին նստոտեցին:

Կրկնակ. Փաթ, փաթ, փաթիլներ,
Երգող, պարող փաթիլներ:

Քամին եկավ պարելով,
Փաթիլին խուտուտ տվեց,
«Հա, հա, հա, հա» երգելով՝
Փաթիլներին թռցրեց:

Կրկնակ. Փաթ, փաթ, փաթիլներ,
Երգող, պարող փաթիլներ:

Իրար վրա շարվեցին,
Մի մեծ բլուր կազմեցին,
Քամին սուլեց, պտտվեց,
«Փաթիլներով պար» բռնեց:

Կրկնակ. Փաթ, փաթ, փաթիլներ,
Երգող, պարող փաթիլներ:

Белые снежинки кружатся с утра. Детские новогодние песни.

Белые снежинки кружатся с утра,
Выросли сугробы посреди двора.
Стала от снежинок улица светлей,
Только одеваться нужно потеплей.2
Просто невозможно зиму не любить,
Скоро будем бабу снежную лепить.
Если на прогулке в снег мы упадем,
Встанем, отряхнемся и опять пойдем.3
Привезут из леса елку в детский сад,
Дед Мороз поздравит с праздником ребят.
Десять раз в неделю мы считаем дни,
Чтоб зажглись скорее яркие огни.

Jingle Bells For Kids-Easy Version

 

Դեկտեմբերին իրականցվող ուսումնական գործունեություն

img_8763
Դեկտեմբեր 2016թ.
Խոհանոցային գործունեություն` տառթխիկ
Տեխնոլոգիական գործունեություն` խմբասենյակի ձևավորում, նամակ Ձմեռ պապին, տոնածառ
Ուսումնական ճամփորդություն
Երգերի, բանաստեղծությունների ուսուցում
Տրիաթլոն
Նախապատրաստվել դեկտեմբերիկին
Դեկտեմբերիկ ստուգատես
Ամանորյա տոնախմբություն
Ուսումնական ձմեռ նախագիծ

«Ուսումնական ձմեռ» նախագիծ

img_0336
Նախագծի հեղինակ՝ Գոհար Սմբատյան, Հարավային դպրոց
Մասնակիցներ՝ 5 տարեկաններ, ծնողներ, բարեկամներ
Սովորողները աշխատում են հեռավար (առցանց):
Ժամանակահատվածը՝ 2016 թ.դեկտեմբերի 26-ից 2017 թ. հունվարի 8-ը
Նպատակը՝
Նախապատրաստվել «Ամանորի ծես» տոնակատարությանը.
Խնդիրները՝

  • Ստեղծագործական երևակայություն,  բանավոր խոսքի  զարգացում
  • Մաթեմատիկական հմտությունների զարգացում
  • Մեդիահմտությունների զարգացում
  • Զարգացնել սովորողների տեխնոլոգիական հմտությունները
  • Ամանորի և Սուրբ Ծննդյան երգեր ուսուցում

Ընթացքը՝

  • Ձմեռային Ֆոտոշարքեր պլանշետով, դրսում, պատուհանից
  • Ամանորը  տանը` պատում-նկարագրություն
  • Սահնակով, դահուկներով, չմուշկներով  սահել` պատում զգացողությունների, տպավորությունների մասին:
  • Ինչպես ենք զարդարում տոնածառը` ինքնքշեն խաղալիքներ
  • Տոնական խոհանոցը՝ ընտանեկան ավանդական կերակուրների մասին
  • Ամանորի և Սուրբ Ծննդյան երգեր կատարում /մեր սովորած/ 
  • Մաթեմատիկան տոնական սեղանին՝ հաշվում, չափում, համեմատում…
  • Տոնի խորհուրդը
  • Տոնական օրերի  ավանդական բարեմաղթանքներ հյուրերից, ընտանիքի անդամներից
  • Ստացած նվերների մասին պատումներ

Աշխատանքները ներկայացնել տեսանյութի, ռադիոնյութի տեսքով և ուղարկել G.smbatyan@mskh.am  էլեկտրոնային հասցեին: