Բարև, ես Գոհար Սմբատյանն եմ: Աշխատում եմ «Մխիթար Սեբաստացի» կրթահամալիրի Հարավային դպրոցում՝ որպես երրորդ դասարանի դասվար: Երկար տարիներ աշխատել եմ նախակրթարանում` որպես դաստիարակ: Ստացել եմ միջին մանսագիտական և բարձրագույն կրթություն: Դասվարի որակավորում ստացել եմ «Մխիթար Սեբաստացի» կրթահամալիրի մանկավարժական քոլեջում: Մեծ տղաս՝ Սարգիսը, ծառայում է Հայոց Բանակում, կրտսեր որդիս՝ Կարենը, սովորում է կրթահամալիրի Ավագ դպրոցում:
2022-2023 ուսումնական տարում սիրով կաշխատեմ 2016 թվականի ծնված 6 տարեկանների հետ: Կնկարենք, կխաղանք, կլողանք, կերգենք, կճամփորդենք և մեդիահմտություններ կիրառելով՝ ուրախ, ստեղծագործ օրեր կունենանք: Սիրով սպասում եմ նոր ուսումնական տարվան և ժպտերես առաջին դասարանի սովորողներին:
Բլոգ՝ Smbatyanblog.wordpress.com
Էլեկրոնային հասցե՝ G.smbatyan@mskh.am
Ծրագրի ղեկավար՝ Շամիրամ Պողոսյան. էլ. sh.poghosian@mskh.am, հեռ.` 094211291
Հարավային դպրոց՝. https://south.mskh.am/
Հասցե՝ Իսակովի 52/6, հեռախոս` 73.61.00
Առաջին դասարանի ընդունելության համար անհրաժեշտ փաստաթղթեր
- լուսանկար 3*4 չափսի -2 հատ
- երեխայի ծննդյան վկայականի պատճեն – 1 օրինակ
- երեխայի սոցիալական քարտի պատճեն-1 օրինակ
- ծնողի անձնագրի պատճեն-1 օրինակ
- բժշկական թերթիկ ( երեխայի առողջական վիճակի մասին երեխայի բժշկական քարտից քաղվածք, 26 ձև)
Ներկայացնում եմ ուսումնական գործունեությունների ուղղությունները․
Ընթերցողական նախագծեր, հանդիպումներ և քննարկումներ հասակակից ընկերների հետ
Մաթեմատիկական խնդիրների, գլուխկոտրուկների, տրամաբանական և կառուցողական խաղերի օգնությամբ մաթեմատիկայի ուսուցում։
Երաժշտական խաղերի, ազգային երգ ու պարի միջոցով երաժշտական ճաշակի ձևավորում, երգի ու պարի ուսուցում։
Տեխնոլոգիական հմտությունների զարգացում-գործածում պարապմունքներին, սովորողի ընտրությամբ գործունեության մեջ, տանը։ Տեխնոլոգիական հմտությունների արդյունքների անհատական, խմբային ցուցադրություններ։
Մարմնամարզական խաղերի, ստուգատեսների իրականացում
Լող, հեծանվավարություն, վազք, քայլք
Հայրենագիտական հանրակրթություն՝
Ուսումնական ճամփորդությունների միջոցով հայրենագիտական գիտելիքների ձեռքբերում, ճամփորդությունների կազմակերպում, բարձունքների հաղթահարում։
Էկոլոգիական հանրակրթություն՝
Միջավայրի, բույսերի և կենդանիների խնամք, Բնագիտական փորձերի, բնական երևույթների դիտարկումների, հետազոտությունների միջոցով բնության գաղտնիքները բացահայտելու հնարավորություն։
Գործնական օտար լեզու՝
Ուրախ օտար լեզու նախագծով օտար լեզվի յուրացում և գործածում
Ամենօրյա մեդիագործիքների կիրառում՝ մեդիագիտելիքների ձեռքբերում, բլոգավարություն
Ամենամսյա առարկայական ֆլեշմոբերի մասնակցությամբ գիտելիքների ձեռքբերում և ամրապնդում։
Միջավայրը.
Լուսավոր, ջեռուցվող և թափանցիկ ուսումնական սրահներ
Տեխնոլոգիական բաց լաբորատորիա
Լողավազան
Կրթական պարտեզ
Խոհանոց
Ուսումնական լրացուցիչ ծառայություններ․
Երկարացված օրվա
սովորողների տեղափոխում՝ նախապես նշված երթուղիներով
Լրացուցիչ կրթություն.
Երաժշտություն (դաշնամուր, շվի)
Կերպարվեստ (նկարչություն, քանդակ, խեցեգործություն)
Շախմատ
Մարմնամարզություն
Լող
Պար
Կարատե
Սմբատյան Գոհար 